HERNANIK Ordiziako Altamira zelaian jokatuko du larunbatean, 16:00etan, Ohorezko Mailako gipuzkoarren arteko derbia. Partidu berezia izaten da bi taldeentzat eta etzikoa bereziagoa Hernanik azken derbietan lortu dituen emaitzen ondorioz.
Sei derbi, lau Landaren eta bi Altamiran, jarraian irabazi ditu Polidorik zuzentzen duen taldeak. Larunbatean zazpigarrenaren bila irtengo dira, baina badakite aurten zaila izango dela gailentzea. Ampo Ordizia joko bolada onean dago, entrenatzailea aldatu zutenetik, eta Hernaniri berriz aurtengo denboraldian arazoak pilatu zaizkio baja garrantzitsuekin. Sailkapenean, Ordizia zazpigarren dago kokatuta, play offetik gertu, eta Hernani berriz azkenaurrena. Beraz beharrezkoak ditu puntuak promozio postuetatik ihes egiteko.