Hirugarren errail bat egingo dute Astigarragatik Irunera, ‘Euskal Y’ Frantziarekin lotzeko

Hirugarren errail bat izango du ohiko trenbide sareak, Asti­garragatik Irunera bitar­te­ko zatian. Eta horrek, ahalbi­de­tu­ko du Euskal Y Frantziako trenbide sarearekin lotzea, Aran­txa Tapiak, Eusko Jaur­la­ritzako Ekono­mi­aren Garapen eta Azpiegitura sailburuak, jakinarazi duenez: «hiru­ga­rren hariak ahalbi­detu­ko du, abiadura haundia Paristik Donostiara iristea. Eu­ropa gertuago daukagu gaur­­tik, eta daukagun tren­bi­de isola­men­du arazoa kon­pon­du­ko da ho­rrela», azaldu zuen.
Obrak dagoeneko martxan daude, eta bisitan izan ziren ostiralean, Tapia bera, Iñigo de la Serna Espainiako Gober­nuko ministroa, Zorione Etxe­zarraga Astiga­rra­gako alka­tea, eta baita Irun eta Donostiako alkateak ere.
Azaldu dute, lan horiek se­gurtasun instalazioetan egin­go direla, trenbidearen ibilbide osoan zehar, eta tuneletako galiboa haunditu egingo da. Estazio eta geralekuak ere, zabalera mixtora egokituko dira, aurreratu dutenez. Eta na­barmendu dute, obren pla­ni­fikazioa egin dutela, egungo tren zerbitzuetan ahalik eta eragin txikiena izateko, «erai­kuntza teknika aurreratuenak erabiliz».