Ttarla Gym eta Inmakulada Ikastetxeko emotikoiek, Hernaniko kaleak hartu zituzten konpartsen egunean. Eguraldia lagun izan zuten eta horrek ikusgarritasuna gehitu zion bi konpartsen desfileari. Eguna iritsi arte ez zen jakin zerekin harrituko zuten, Hernani, konpartsetako kideek.
Goizetik gimnasiorako bidean normalean baino jende gehiago zegoen prestaturik eta berehala jakin zen, Ttarla Dantza Taldekoek, Gym berria ipiniko zutela Urbietatik hasi eta Plazaraino. Puri-purian dauden abesti guztiak dantzatu zituzten, Inmakulada ikastetxeko gaztetxoek bezalaxe.
Hauek berriz irribarrez eta bihotzez betetako emotikoiez mozorroturik zeuden. Haserre zegoen bat ere aurkitu zitekeen.
Tilosetako kale antzerkian ume ugari bildu ziren
Musikak ez zuen etenik izan arratsaldez. Lehendabizi inauterietako txarangak gogorazi zuen festa ez zela amaitu eta ondoren kale antzerkia eta trikitilariak ikusi zire. Tilosetan Tio Tironen Semeak antzeslanaz gozatu zuten umeek.
Inauteri guztian zehar bezala jende asko eta asko ibili zen egun guztian zehar kalean barrena. Ia denak mozorroturik. Dudarik gabe eguraldia asko laguntzen ari da aurtengo inauterietan, pasa den urtean ez bezala.
Bihar, sardinaren ehorzketak itxi ohi du inauteria ofizialki, baina festaren azken eguna benetan gaur biziko da. Ekitaldi ugari daude programatuak: azeri dantza, zezen txiki eta poniak, kulkir haur jolasak, erraldoi eta buruhandiak, puzgarriak... izango dituzte gotzatzeko goizean hasi eta arratsalderarte.
GAURKO EGITARAUA
09:00: Diana. ‘Hernani’ Musika Eskola Publikoa.
10:00: Azeri Dantza gaztetxoentzat.
11:30: Haurrentzat poniak eta zezen txikiak Latsunbeberri auzoan.
12:00: Kulki haur jolasak Atsegindegin.
16:00: Erraldoi eta Buruhandiak. Kriskitiña dantza taldea eta ‘Hernani Musika Eskola Publikoko dultzaineroak.
17:00: Gaztetxoentzako puzgarriak Atsegindegin. 8 urtetik gora.