Boliviako aldaketa prozesuak aztergai

Mugarik Gabe Gobernuz Kanpo­ko Erakundeak anto­latuta, eta Hernaniko Koo­perazio Taldearen laguntza­rekin, hitzaldia egingo dute gaur, Mugimendu eta ko­mu­nikazio indigenaren papera Boliviaren aldaketa prozesuan izenburupean. 19:00etan izan­go da, Bi­te­rin, eta parte hartu­ko dute Bo­li­viatik bertatik etorritako Iván Sanjine­sek eta Guatemalako Marta Chocek.
Komunikazio indigenari bu­ruz jardungo dira, batez ere, eskubideen defen­tsan dau­ka­ten paperari buruz.
Marta Choc Calel (maya q’eqchi’ herria, Guatemala). Tz’ikin Sareko Hedapen Batzor­deko Koordinatzailea, Komu­ni­katzaile komu­nita­rioa, Bali­a­bide Naturalen Defenda­tzailea, Kultura Sustatzailea eta Ikus-entzunezkoen treba­tzailea da. Nazioarteko XIII. FicMayab’ Herri Indigenen Zinema eta Bideo Jaialdiko (2017-2018) prestatze-batzorde­ko kidea ere bada. 
Iván Sanjinés Komunikazio Interkulturalaren Garape­nerako Fundazioko (CEFREC) zuzendari eta sortzailea da. Zinegilea da eta, orain 25 urtetatik, lanean ari da komunikabideen de­mo­kratizaziorako eta be­raien jabetzea, herri indi­genen partetik, gerta dadin. Hasiera batean Martha Zeladi zen etortzekoa, baina azkenean Marta Chocek ordazkatuko du.
Indigenen mugimenduen herrialdean izan duten era­gina eta prozesua azter­tuko dute bai Chocek eta baita Sanjinesek.