Mozorroak eta umoreak bat eginda, festara!

Inauteriak ospatuko dituzte her­naniarrek ostiraletik au­rre­ra, baina gaurko bi ekital­diek emango diote hasiera inau­te­rien egitarau ofizialari. 

Iñude eta artzaiak, aurrenekoak
Iñude eta artzaien konpartsa izango da goiztiarrena. Goize­ko 11:45etan abiatuko dira Uru­mea ikastolako 250 partaide­ak, ikastolako patiotik, eta handik bueltaxka egingo dute herritik barrena; Sandius­terri, Elkano kalea, Gudarien Plaza, Kardaberaz kalea, Plaza Berri, Kale Nagusia zeharkatuta, Plazan egingo dute ekitaldi nagusia 12:30ak aldera.

Musika Bandarekin, bat
Eta bertan, ekitaldi nagusi horretan, egingo du bat iñude eta artzaien konpartsak Her­na­niko Musika Bandarekin.  Ondoren, beraiek hartuko bai­tiote testigua. Eguerdiko 12:45etan hasiko dira Tolo­sako inauterietako doinue­kin udaletxeko arkupea zi­priz­­tintzen.
 

Hasiera ofiziala, ostiralean
Dena den, gaurko ekitaldiak inauterien iragarle besterik ez dira izango. Ostiralean egin­go dute herriko ikaste­txeetako haurrek hasiera ofi­ziala, arratsaldeko 15:15etan. Jarraian, txarangaren errit­mo­ra egingo dute kalejira; hortik aurrera, umorearen eta mozorroen festak ez du etenik izango!

Ekintza mordoa, asteartera arte
Haurrentzako antzerkiak eta disko festak, betiko Azeri dantza, erromeriak, txaran­gak... denetarik izango da, herritar guztientzat!
Ez dira faltako, ezta ere, igandeko konpartsen irteera, eguerdiko 12:00etan irteten dena, ezta Hernaniko inau­teriei agur esaten dien ekintza preziatua: sardina­ren ehorzketa. 

Inauterietako egitaraua 

GAUR,
11:45, Iñude eta artzaiak. Antolatzailea: Urumea ikastola.
12:45, Hernaniko Musika Bandaren kontzertua udaletxeko arkupeetan.
OTSAILAK 24, ostirala
15:15, Jaien hasiera Plazan. Jarraian, eskolako umeak irtengo dira txarangarekin.
17:00, Erraldoi eta buruhaundiak. Antolatzailea: Kriskitiña dantza taldea eta ‘Hernani’ Musika Eskola Publikoko dultzaineroak.
17:30, Haurrentzat DJ Porru eta Zunba Txikia, Plaza Berrin.
18:30, Gazte batukada herrikoia. Zo-Zongó. Gaztelekuak antolatuta.
19:00, Afizionatu kategoriako pelota partiduak kiroldegian. 
19:30, Bella Italia. Hernaniko Musika Bandaren kontzertua Milagrosan.
OTSAILAK 25, larunbata
10:00, Azeri dantza.
11:30, Inauterietako txaranga.
11:30, Haurrentzat poniak eta zezen txikiak Latsunbeberri auzoan.
12:00, Erromeria Jeiki Hadi taldearekin. Antolatzailea: San Joan Konpartsa.
13:00, Erraldoiak eta buruhaundiak. Antolatzailea: Kriskitiña dantza taldea.
17:00, Haurrentzat Tomaxen abenturak Festara ikuskizuna, Milagrosan.
18:30, Inauterietako txaranga.
18:30, Dantza festa gaztetxoentzat, Iñigo Etxenike DJarekin, Atsegindegin.
18:30, Erromeria Ortzadar taldearekin. Antolatzailea: San Joan Konpartsa.
00:00, Betikoak txaranga.
OTSAILAK 26, igandea
11:30, Inauterietako txaranga.
12:00, Konpartsen irteera Urbieta kaletik: Ttarla dantza taldea eta Inmakulada ikastetxea.
18:30, Inauterietako txaranga.
19:30, ‘Hernani’ Musika Eskola Publikoko trikitilariak.
19:30, Kale antzerkia. Dantza: Tio Tironen Semeak. Tilosetan. Eguraldi txarra eginez gero, Atsegindegin.
OTSAILAK 27, astelehena
09:00, Diana. ‘Hernani’ Musika Eskola Publikoa.
10:00, Azeri dantza gaztetxoentzat.
11:30, Haurrentzat poniak eta zezen txikiak, Latsunbeberri auzoan.
12:00, Kulki haur jolasak, Atsegindegin.
16:00, Erraldoi eta buruhaundiak. Kriskitiña dantza taldea eta ‘Hernani’ Musika Eskola Publikoko dultzaineroak.
17:00, Gaztetxoentzako puzgarriak, Atsegindegin. 8 urtetik gora.
OTSAILAK 28, asteartea
18:30, Sardinaren ehorzketa.