Pride pelikula (euskeraz, ‘harrotasun’) britainiarra jarriko dute etzi Biterin, Gure Esku Dagok eta Bagagiltzak eskatuta. Arratsaldeko 19:00etan izango da proiekzioa gaztelaniaz, eta sarrera irekia eta debaldekoa izango da.
«Denok elkartuta lortu dezakegu»
Galesen kokatutako pelikula da Pride; bertan kontatzen da Margareth Thatcherren gobernupean meatzariek greba deitu zutela. Horren aurrean, Londresko Gay Harrotasunaren egunean, kolektibo hori meatzarien aldeko dirua lortzen saiatzen da.
Pelikulak irudikatzen du, Gure Esku Dago eta Bagagiltzaren ustez, «denak elkartuta zerbait lortu dezakegula». Eta beraz, «momentu batean utopia izan daitekeen hori, denok elkartuta errealitate bihurtu daitekeela».
Hori da, hain juxtu, Gure Esku Dagok zabaldu nahi duen mezua: «denok elkartuta lortu dezakegu».