Beste urte batez, Gipuzkoako atleta gazteek protagonismo osoa izango dute gaur Sagastialdeko atlestismoko pistan. Goizeko 11:00etatik aurrera, bertan burutuko du CD Hernaniko atletismo sailak Adarraga Memorialaren 53garren edizioa.
Bost lasterketa
Denera bost lasterketa izango dira, kategorien arabera. Goizeko 11:00etan emango zaio hasiera jardunaldiari, eta ia ordu laurdenero izango da lasterketa bat.
Infantil mutilak izango dira aurrenekoak, 2.736 metroko ibilbidearekin; ondorengoak izango dira infantil neskak, 2.122 metroko lasterketan; distantzia bera egingo dute alebin mutilek, gero; eta bukatzeko, alebin neskak sartuko dira pistan, 1.508 metroko lasterketa burutzeko.
Benjaminek ere, izango dute parte hartzeko aukera; pista erdia zeharkatuko dute, hau da, 670 metro korritu beharko dituzte.