Pintadak agertu ziren Hernaniko PSE-EEren egoitzan, eta horien inguruan hausnartzeko bilera egin zuten herriko agrupazio sozialistako kideek pasa den otsailaren 10ean. Orain, PSE-EEk prentsa-ohar bidez adierazitakoaren arabera, erabaki dute erreflexio hori publiko egitea.
Herriaren erantzuna, oinarri
Horrela beraz, PSE-EEk azaldu duenez, «Hernaniko talde politiko ezberdinen eta ehundaka herritarren erantzuna ikusita, birplanteatu egingo da Udalak bizikidetza arloan antolatutako ekimenetan parte-hartzeari uztea».
Dena den, Ricardo Crespo bozeramailearen hitzetan, «bizikidetza guztien ongiari dagokio, lortzea asko kostatzen da, eta segituan hausten da. Horregatik, arlo honetan lan egin behar dela erabaki dugu, oztopoak jarri eta bidea zailtzen duen jendea egon arren». Era berean, diote, «zorrotzagoak» izango direla.