Iñude eta artzaien konpartsa, bertako inauterien iragarle

Hernaniko inauteriak ate jo­ka daude, eta horren ira­garle izango da, besteak bes­te, Urumea ikastolak urtero ate­ratzen duen iñude eta ar­tzaien konpartsa. 
Goizeko 11:45etan abia­tuko da Uru­me­a ikastolatik ber­tatik, eta ondoren zehar­katuko ditu inguruko kale eta txoko guztiak: Sandius­terri, Elkano kalea, Gudarien Plaza, Kardaberaz kalea, Plaza Berri, Kale Nagusia, eta handik, Plazaraino.
250 pertsonako konpartsa
Denera, 250 pertsonek har­tuko dute parte aurtengoan. Horien artean, 48 dantzari ari­tuko dira, iñude eta ar­tzaiez jantzita; 50 inguruk joko dute danborra, eta beste guztiak garai bateko per­tso­naiak irudikatuko dituzte: globeroak, piruleteroak, bar­ki­le­roak, umezainak, alka­tea, udal-idazkaria, senda­gile­ak, erizainak, zapata-garbitzaile­ak, argazkilari­ak... 
Horiek guztiek Urumea txarangaren doinuen erri­t­mo­ra dantzatuko dute.

Ekitaldi nagusia, Plazan
Plazan egingo duten ekital­diarekin emango zaio buka­era, iñude eta artzaien konpar­tsari, 12:30ak aldera. Bertan, iñudeak daramaz­kiten haurrei txertoak eman ondoren, udaletxeko aginta­ri­ei aurkeztuko dizkiete, be­raien izenak erregistratu ditzaten. Bukatzeko, arin-arina dantzatuko dute.