Araudi enpresak aholkularitza eta laguntza zerbitzua emango dio Udalari, lurzoru ondarearen inbentarioa osatzeko prozesuan, ostiraleko kontratazio mahaian hala erabakita.
Udalak jakinarazitakoaren arabera, «hiri-lurzatien eta udalaren lurzoru ondarearen inbentario banaduaren eraketa esleitu zion, lehiaketa publikora aurkeztu zirenetatik Araudi baitzen, eskarmentu haundiena eta antzeko lan gehiago eginak zituen enpresa».
Nahasmendua, Donostiatik banatu ondorenetik
Udal Gobernuak dio «beharrezkoa» dela lurzoru ondarearen inbentarioa egitea.
«Badira urte batzuk Astigarragako Udalak landa-eremuko inbentarioa osatu zuela; hirigunekoa, ordea, egin gabe dago oraindik. Astigarragako kaskoan badira pribatuak diren hainbat lursail, eta, horrez gain, beste batzuen jabetza ez dago oso argi».
«Badira urte batzuk Udalak landa-eremuko inbentarioa osatu zuela; hirigunekoa, ordea, egin gabe dago orandik»
Nahasmendu hori, gainera, duela urte batzuetako kontua dela ere azaldu du. «Jabetzaren inguruko nahasmendua Astigarraga Donostiatik banandu zen garaitik dator».
Horrexegatik ikusi du Udalak beharra, inbentario hau egiteko.