Inauteriek ez dute hutsik egingo, beste urte batez, Ereñotzun ere. Datorren ostiralean ospatuko dute Inauteri Festa, Txirrita eskolan.
Arratsaldeko lehenengo orduan hasiko dute ospakizuna, eskolako ikasle, irakasle eta gurasoek, eta baita animatzen diren auzotar guztiek ere.
Kalejira auzoan zehar, hasiera emateko
Goizeko klaseak bukatu eta ondo bazkaldu ondoren, arratsaldeko 15:00ak aldera abiatuko dira kalejiran, eta auzoan zehar ibiliko dira, festa giroa ekarriz, festari hasiera emateko asmoz.
Ordubete pasatxo egingo dute kalejiran, kalez kale eta etxez etxe, eta 16:15ak aldera bukatuko dute, frontoian. Izan ere, bertan izango du segida, Inauteri festak.
Emanaldiak eta merendola, festa borobiltzeko
Emanaldiek hartuko dute txanda, frontoira iristean. Ikuskizun desberdinak prestatu dituzte Txirritako ikasleek: dantza emanaldiak, antzerki saioak, bertsoak...
Eta festa borobiltzeko, merendola antolatuko du Guraso Elkarteak, guztiek gozatzeko.