Matrikulazio kanpaina lehengo astean itxi zuen Astigarragako Herri Eskolak 2017-2018 ikasturterako, eta jakinarazi du «baremaziorik gabe onartu» egin dituela Haur Hezkuntzako 2 urte, 3 urte eta 4 urteko klaseetan izena eman duten ikasle guztiak, «eskaera baino leku huts gehiago daudelako».
Onartutakoen zerrendak ikusi nahi dituenak ikastetxean eskura izango dituela ere jakinarazi du Astigarragako Herri Eskolak.