Denboraldi berria hastear da, eta beraz, neguko arropak eskaparate eta dendetatik desagertuko dira, laster. Azkeneko jantziak saldu ahal izateko, Stock Azoka antolatzen du Berriak Elkarteak duela urte batzuk, eta gaur eta bihar egingo dute denboraldi honetakoa.
Atsegindegin, euria eginez gero
Eguraldiak lagunduz gero, Plaza Berrin jarriko dituzte postuak; bestela, Atsegindegin. Batean edo bestean izan, 12 postu izango dira, denera, eta ordutegi zabalarekin bisitatu ahal izango dira.
Gaur, goiz eta arratsalde egongo dira; 10:00etatik 14:00etara, eta 16:00etatik 20:00etara. Bihar, aldiz, goizean bakarrik izango da azkeneko gangak aurkitzeko aukera, 10:00etatik 14:00etara bitarte.
Herriko 12 denda, azokako postuetan
12 postu horietan, herriko dendariak izango dira. Denda horiek izango dira, hain zuzen: Novedades Valen, Hoki lentzeria, Hiru haurren denda, Kera, Cay Ville, Mahuka, Ibaimendi, Kaixo, Ilargi, Oinatz, Kuluska, eta Eguzki.
Horietako batzuentzat, aurreneko azoka izango da, aurtengoa.