arrakastatsua izan da sarreren salmenta, eta are arrakastatsuagoa espero da gaurko Bertso Gutiziak saioa. Kronikak antolatuta, eta Insalusen laguntzarekin, bertsoak eta afaria uztartzen dituen ekimena arratsaldeko 19:00etan hasiko da, Basque Culinary Cenyerren.
Bertso saioa, hasteko
Bertso Gutiziak saioa bi zatitan banatuko da. Aurrenekoan, sei bertsolari igoko dira oholtzara, eta Aitor Mendiluzek jarritako gaien inguruan egingo dute bertsotan. Bertsotarako abilezia erakutsiko dute, hain zuzen, Maialen Lujanbiok, Unai Agirrek, Andoni Egañak eta Iker Zubeldiak.
Ordu eta erdiko saioa eskainiko dute, eta ondoren, 20:30ak aldera, luntx-afaria izango da BCCko jantokian.
Gaueko 23:30etan aterako da bueltako autobusa Basque Culinary Centerretik; debalde izango da.
Hamar mokaduz osatutako menua aurkeztuko dute bertan, Basque Culinaryko ikasleek. Modu originalean, zaporeak nahastuz eta berrituz sortutako errezetak dastatu ahal izango dituzte bertaratutakoek. Horiek jateko modua ere, berezia izango da, luntx estilokoa, bertaratutakoen arteko solasaldia erraztuko duena.
Bukaera, 23:30ak aldera
Nahi adina jan eta edan ondoren, gaueko 23:30ak aldera emango zaio bukaera saioari. Bertaratutakoei buelta errazteko asmoz, autobusa jarriko du Kronikak, debalde. BCCtik Hernanira joango da, eta 23:30etan aterako da.