Elkartearen 60garren urtemuga ospatzeko, bazkaria egin zuten igandean Elur Txoriko kideek. Bapo bazkaldu zuten, eta bazkalosteko umore onarekin batera banatu zituzten Elur Txoriko 58garren Mus Txapelketako sariak. Bakarkako txapelketan, Mikel Aierdik jantzi zuen txapela, eta Jose Mari Ormazabal izan zen bigarren. Binakakoan, aldiz, Patxi Lopez eta Joxean Inzak lortu zuten garaipena, eta Javi eta Rafa izan ziren bigarren. Elkarteak eskerrak eman nahi dizkie bai partehartzaileei, baita laguntzaileei ere.