Urtero bezala, aurten ere izan dira Andoaingo Piano Jaialdian, Hernani Musika Eskolako ikasleak. 9 eta 17 urte bitarteko ikasleak aritu dira, eta partehartzea oso haundia izan da; lortutako emaitzak, berriz, bikainak!
Bakarlari eta lau eskutarako modalitateetan jo dute hernaniarrek; guztira, 31 ikaslek: Garazi Agirreurreta, Naia Alberdi, Nora Arcelus, Paula Arjona, Malen Arregi, Sara Andres, Andrea Dominguez, Unai Estevez, Ibon Etxegia, Igone Fernandez, Ainhoa Galan, Eneko Garmendia, Ana Huitzi, Xabier Huitzi, June Jimenez, Joseba Korta, Alicia Maiza, Paula Martin, Intza Nabarro, Ander Olasagarre, Markel Olasagarre, Sara Ortiz, Leire Perez, Nayarit Perez, Gorka Pulido, Nerea Rodriguez, Markel Rodriguez, Andoni Sudupe, Maria Telletxea, Auritz Txintxurreta eta Thais Zambrano.
Gorka Pulido eta Joseba Korta, bukaerako kontzertuan
Gustora aritu ziren denak, eta baita fin ere. Guztien artean, urrezko 21 domina ekarri zituzten, eta zilarrezko zortzi. Baina sari haundiena, Gorka Pulidok eta Joseba Kortak lortu zuten: aipamen berezia jaso zuten, ohore haundiko saria; eta horrekin, aukera izan zuten, baita ere, bukaerako kontzertuan jotzeko.