Mozorroen bila, gaurko azokara

Gaur jarri dute hileroko zita, Atsegindegin, Bigarren Eskuko Azokarekin. Baina oraingoan, berezia izango da: Inauteriei eskainiko diete, oso-osorik.
Beraz, aukera ederra izango dute, mozorroak saldu, erosi edota trukatu nahi dituz­te­nek, eta baita Inauteriekin lotutako beste edozein gauza eskuratu nahi dutenek ere.
Postua jarri nahi zuenak, aurretik eman behar zuen izena; baina gainerakoek ere, aukera izango dute, doan, gordailu-salmenta zerbitzua erabiltzeko: goizeko 09:00etatik 10:30etara utzi beharko dituzte mozorro eta osagarriak, garbi eta egoera onean. Norberak jarriko du prezioa, eta antola­tzaileak arduratuko dira sal­tze­az. Gero, 13:30etan pasa be­harko dute herritarrek, dirua (saldu bada) edo utzitako objektuak jasotzera.