Datorren asteburuan, otsailaren 17tik 19ra bitartean jokatuko da Valladoliden, Estatuko Mahai Tenis Txapelketa, eta bi hernaniar sailkatu dira: Aitor Mitxelena, seniorra, eta Xabi Moren, alebina.
Bi jokalariek Donostiako Atletico San Sebastian taldean jokatzen dute. Txapelketarako Espainiako estatuko 48 jokalari onenak sailkatu dira, eta Atleticoko 11 sailkatu dira; hor tartean, bi hernaniarrak.
Sailkatzea bera nahikoa lorpen polita bada ere, ahalik eta emaitza onenak lortzeko asmotan jokatuko dute bi hernaniarrek, datorren asteburuan.