Asteburu konpletoa izanen dute, beste behin, Goizuetako pilotariek. Herrian bertan atzo izan zuten jardunaldia, eta Euskal Herrian zehar ibiliko dira gaur eta bihar.
Zizur Nagusian, bi partidu
Nafarroako Zizur Nagusian izanen dira horietako bi zita. Beraien abilezia erakutsiko dute gaur Umore Onako Aitor Aizkorbek arratsaldeko 16:30etan hasita. Eskuz banaka arituko da, 4 t’erdian.
Bihar, aldiz, Xanet Apezetxeak jokatuko du Zizur Nagusian, Umore Onaren ordezkari gisa. Goizeko 10:45etan izanen da bere txanda, lau t’erdikoa bera ere.
Beste bi zita, igandean
Igandean beste bi neurketa izanen dituzte pilotari goizuetarrek.
Bata, Donezteben; bertan jokatuko dute Umore Onako Beñat Apezetxea eta Oihan Etxeberriak Malerreka txapelketako finalerdia, Errekako Agesta eta Epleko Goikoetxearen kontra. 10:00etan izanen da.
Bestea, Tolosan, Miguel Soroa txapelketaren bueltan. Arratsaldeko 16:30etan jokatuko dute gazte mailako Antton Apezetxea goizuetarrak eta Egiguren azpeitiarrak Igantziko Telletxea eta Bergarako Gartziaren kontra.