Igande honetan ospatuko dute, Udalak antolatuta eta Mendiriz Mendiren laguntzarekin, Hernani ezagutuz ekimena. Oraingoan, Epelen barrena ibiliko dira, PR-Gi 1002 ibilbidea osatzeko, eta Igorin-Akola estazio megalitiko aberatsaz gozatzeko.
Horretarako, Atsegindegin jarri dute zita, bertatik abiatzeko, goizeko 08:30etan. Doan izango da, eta ez da izena eman behar; nahikoa da bertara azaltzea.
Guztira, 9 kilometroko ibilbidea osatuko dute, baina ez dauka zailtasun berezirik.