AStigarragako Udalak hiri hondakinak biltzeko ordenantza aldatuko du. Hala, eraikin berrietan legez eraikitzen diren hondakin gelak bizilagunek erabakitzen duten beharrak betetzeko erabili ahal izango dira, adibidez, bizikletak gordetzeko. Aldaketa indarrean sartuko da Udaleko Plenoak aldaketa onartu ondoren.
Kalean ipiniko dira
Gaur egun, Astigarragan hondakinak jasotzen dituen enpresak idatzitako txostenaren ondorioz hartuko da neurri berria. FCCk egindako txostenak zaborra hondakin geletan biltzeak eta, batez ere, hautetatik jasotzeak dauzkan eragozpen arazoak jasotzen ditu.
Astigarragan bederatzi hondakin gela daude egoera honetan eraikin berrietan, eta FCC enpresak proposatzen du bederatzi puntu hauetan jaso ordez kalean bi edo hiru edukiontzi gune berri jartzea, bilketa prozesua eraginkorragoa izan dadin.
Hortaz Astigarragako udal gobernuak hiri hondakinak jasotzeko ordenantzan 17. artikulua berridaztea erabaki du, beti ere udaleko Ingurugiro teknikariaren baiezkoarekin.
Aldaketa egin eta gero, bizilagunek erabaki ahal izango dute hondakin gelak nola erabili eta bertan zer edo zer ez ipini.