Suak hartu zuen, atzo eguerdian, Oarso kaleko gazte lokal bat; 6 zenbakiko portalaren ondokoa, hain justu. Eguerdiko 12:00ak aldera piztu zen sua, eta abixua jaso zutenean, berehala bertaratu ziren udaltzainak eta Donostiako suhiltzaileak; 12:45etarako, itzalita zegoen sua.
Kalte materialak bakarrik
Sutea ez zen larria izan, eta inor ez zen zauritua gertatu. Gainera, suak ez zuen hartu goiko pisuko etxebizitza. Kalte bakarrak, materialak izan dira, lokalekoak bertakoak. Esate baterako, erreta zegoen sofa bat atera zuten, guztiz itzaltzen bukatzeko; eta aulkiak eta beste hainbat altzari ere ikusi zitezkeen barruan, erreta. Lokalaren bi ateak ere, belztuta geratu ziren, suaren eraginez, eta baita kanpoko paretak ere.
Sutea zerk eragin zuen, zehazteko dago oraindik. Atzo ikertzen ari ziren, eta txostenean jakinaraziko dute.