Ibai Alba txapeldun eta Hoki Guerrero bigarren, On Boskon

Aurreko edizioetan bezala, hernaniarrak izan dira protagonista nagusiak, aurten ere, Urnietako On Bosko krosean. Ibai Alba izan zen azkarrena igandean, Salesiarren ikaste­txeko helmugan; eta ema­kumezkoen artean bigarren sartu zen Hoki Guerrero, eta hirugarren Ana Megias.
Lasterketaren 7 kilometroak, 23 minutu eta 53 segundutan osatu zituen Albak, eta Raul Gomez lasartearrari eta Asier Martinez urnietarrari hartu zien aurrea. Beste hernaniar bat ere sartu zen au­rre­neko hamarretan, gizonezkoetan: Xabi Intxauspe, 9garren.
Emakumezkoetan, berriz, Lourdes Colomo zizurkildarra aurreratu zitzaien Guerrerori (29:48) eta Megiasi (30:44). Eta beste bi hernaniar ere sartu ziren, aurreneko hamarretan: 4garren izan zen Eva Esnaola, eta 9garren Yoana Martin.
Guztira, 122 korrikalarik bu­katu zuten lasterketa, eta 28 ziren hernaniarrak.