Bizikleta aparkalekuak, ikasleek eginak

Bi proiektutan ari dira lanean, Hernaniko Lanbide Hezike­ta­ko Gizarte Berrikuntzako LHII zen­troko ikasleak: Hon­da­ki­nen Kudeaketako EkoTxabola eta Mugikortasun Jasangarria & Bizikleta ApArtkalekuak.
Udaletxearekin elkarla­ne­an ari dira, eta hain zu­zen, bi­garren proiektu ho­rren buel­tan egindako la­na­ren berri eman zieten ikasleek uda­letxeko teknikari eta zine­go­tzi­ei, orain aste eta erdi. Mu­gi­kor­tasun jasangarria ar­datz har­tuta, eskolako ziklo ez­ber­dinetako ikasleek hartu dute par­te, bizikletentzako apar­ka­lekuak diseinatzeko lanetan.

Bizikleta aparkalekuak laster, herrian
Proiektua hasteko, Animazio So­ziokulturala eta Turistikako ikas­leek diagnostikoa egin zu­ten, ikasleen eta, oro­ko­rre­an, he­rritarren mugikor­ta­su­n ohi­turak eta bi­zi­kletaren erabilpen maila az­tertzeko.
Bestalde, Fabrikazio Meka­ni­­koko Diseinuko ikasleek bi­zi­kleta aparkalekuak disei­na­tu dituzte, eta ondoren, Oina­rriz­ko Lanbide Heziketako ikas­leek fabrikatu eta Erdi Mai­lako Mantentze Lan Elek­tro­mekanikako ikasleek he­rri­an jarriko dituzte, uda­le­txe­ko mantenuko arduradunekin batera. Azkenik, Animazio Soziokulturala eta Turistikako ikasleek sentsibilizazio kan­pai­na egingo dute herrian.
Diseinuak udaletxean aur­kez­tuta, aukera egitea falta da, fabrikatzen hasteko.