Gure Esku Dagok deituta, festa egingo da Goizuetan, datorren larunbatean; «Goizuetarrok ere hemen gaude!», aldarrikatu dute.
Helburua da herri galdeketa egiteko sinadurak eta babesa lortzea, Mendialdeko herrietan ere; Larraun-Lekunberrin, Araitz-Betelun, Leitzan, Areson, Goizuetan eta Aranon.
Jolasak, ikuskizunak, sinadurak eta afaria
Arratsaldeko 17:00etan jarri dute hitzordua, ikastolako atarian. Denetik izango da, iluntzera arte: mural margoketa umeentzat, eskulanak, txokolatada, dantzaldia, argazki murala, eta nola ez, sinadura bilketa.
Festa egunari bukaera borobila emateko, herri afaria egingo da Umore Ona elkartean, eta txartelak salgai daude 5 euroan, Amaia Kafetegian.