Madalena plaza: «Kolektibo ezberdinek gozatu eta harremanak errazteko inguru seguruagoa»

Gibelalde auzo elkartea, Uda­la­rekin adostuta, RB3 en­pre­sa­re­kin jarri zen harremanetan 2015ean, Lizeaga auzoa hobe­tze­ko zer egin zitekeen az­ter­tzeko.
Parte-hartze prozesua jarri zuten martxan 2016an: auzo­a­ren azterketa eta diagnostikoa egin, bizilagunekin beharrak identifikatu, hobekuntzarako ideaik bildu...
Victor Hugo 4 edo Mada­le­na plaza izenez ezagutzen den pla­zatxoa hobetzeko ideiak bil­du dituzte azkenean, eta RB3 enpresak aurre­pro­iek­tua idaz­tean, eraberritzeko la­ne­kin hastea besterik ez da fal­tako.

Diseinu proposamen osoa
RB3k azaldu du parte hartu duten bizilagunen artean «ados­tasun maila ia era­ba­tekoa» izan dela eta horrela, «diseinu proposamen oso bat» lortu dela. 
Plaza eraberritzeko hiru hel­buru izan dituzte buruan: «in­guru seguruago eta pro­be­txuz­koago bat definitzea, ko­lek­tibo ezberdinen goza­me­ne­an pen­tsa­tzea eta herritarren ar­teko harremana errazteko egi­tu­ra­tzea». Horrela, maketa batean bildu dituzte egin nahi diren hobekuntzak: espazio berdeak mantendu, jolaserako espa­zi­o­ak sortu, banku eta mahaiak jarri, tol­doak jarri, lan­dareak al­datu, gimna­sia­ egiteko tres­nak jarri, eguzkiak argiztatzen di­tuen guneak haunditu, itu­rria berresku­ra­tu...
Guztiarekin, maketa eta diseinu txostena osatu ditu RB3k, eta aurreproiektua ida­tzi­ko du, Udalari emateko.