Kriseilu, lapiko, pertzak, burruntzali eta eltzeak; horiek denak konpontzen trebeak dira, Hungariako Kaldereroak.
Atzo arratsaldean Elizatxo eta Langile ikastetxeetako ikasleek astindu zituzten mailuak, paderen kontra, eta gaurkoan, Elur Txoriko konpartsa aterako da, gaueko 21:00etan.
Elur Txoritik, herrira
Afari-merienda egingo dute Elur Txorin 19:30etan, izena eman dutenek, eta 21:00etan aterako dira paderak mailuekin zartatzera. Handik Lizeaga auzoan barrena egingo dute buelta, eta Kaxkora joko dute gero, umore ona zabaltzera.