Atzoko eguna ere aprobetxatu zuten Langile eta Inmakulada ikastetxeetako ikasleek, ohitura zaharrak berritzeko; atzo aritu baitziren santa eskean, eskolan.
Baina gaurkoa da Santa Ageda bezpera, eta herrian barrena oles eta oles aritzeko zita jarri dute hainbat talde eta abesbatzak.
Ohitura Zaharrak, aurrena
Kalera ateratzen aurrenak izango dira Ohitura Zaharrak abesbatzako kideak; arratsaldeko 17:45etan jarri dute zita, Milagrosan.
Handik pixka batera, Kantuz abesbatza aterako da. Hauek ere Milagrosan jarri dute hitzordua; arratsaldeko 18:30etan.
Bi taldeak kalejiran ibiliko dira kopla zaharrak kantatu eta makilak astintzen, ama lurra esnarazteko.