Asteburu honetan ere, makina bat partidu jokatuko dituzte, pelotari hernaniarrek. Eta horietako zazpi, Hernanin izango dituzte. Arratsaldeko 15:30etan hasiko da jaialdia gaur, kiroldegiko frontoian, eta bost partidu jokatuko dituzte: alebinek aurrena, eta infantilek gero. Bihar 10:30etatik aurrera, berriz, kadete eta jubenilen partidu bana izango da. Nagusiek, berriz, Zaramagan jokatuko dute bihar, 09:45etan, bertako taldearen kontra. Eta beste zita bat ere badaukate, astean zehar: Doneztebeko Txapelketan ariko da Ioritz Arrieta asteazkenean, Gorritirekin, Barandiaran eta Santxezen kontra.