Hirugarrenez jokatuko da bihar, Urnietan, On Bosko krosa. Salesiarren ikastetxeak antolatu du, eta bertatik abiatuko da, goizeko 11:00etan. Guztira, 7 kilometroko ibilbidea osatuko dute korrikalariek, Urnietako kaleetan barrena, ikastetxean bukatzeko.
Apuntatzeko aukera, internetan edota irteeran
Parte hartu nahi duenak, oraindik ere aukera dauka, apuntatzeko. Gaur, internet bidez eman daiteke izena, www.herrikrosa.eus web orrian, 10 euroan; eta bihar, irteeran izango da aukera, goizeko 09:30etatik 10:30etara; 15 euro izango dira orduan.
67 korrikalari daude apuntatuta, eta horietatik, 23 dira hernaniarrak. 150 lagunek izango dute parte hartzeko aukera, gehienez ere.
Guztien artean, bukaeran zozketa ugari egingo dituzte.