Bergaran emango diote hasiera, gaur, Eskolarteko A mailakoen eta Amateurren Txapelketari. Labegaraieta kiroldegian izango da, eta goiz eta arratsalde eskainiko dituzte emanaldiak.
Goizean, infantil eta kadeteak ariko dira, 10:00etan hasita. Lau talde izango ditu Hernanik: infantil mailan talde bat, kadete B mailan bi talde, eta kadete A mailan, beste bat. Eta bakarka ariko dira zazpi: Oihane Saratxaga, Laura Laboreria, Oihane Irazabalbeitia, June Elizalde, Ana Lujambio, Maddi Goikoetxea eta Ainara Rueda.
Arratsaldean, berriz, jubenil eta seniorren txanda izango da, eta ariko dira Hernaniko jubenilen taldea, eta beste hiru bakarka: Maider Galparsoro, Beatriz Perez eta Patricia Perez.