Ion Areitio abilena, Fagollagan

Trialsin erakustaldia izan zen aurreko igandean, Fagollagan. Gipuzkoako Txapelketaren aurreneko proba izan zen, eta aurten ere, Ion Areitio hondarribiarra nagusitu zen, 2:37 denborarekin, pronostikoak betez. Aurre­tik ere, hiru aldiz irabazita zen Areitio Fagollagan, eta aurrea hartu zien Saenz de Ormijanari eta Gorka Susperregiri, eliteen artean.
Junior/senior kategorian, berriz, Unai Gomez izan zen onena; kadeteetan, Andoni Perez; infantiletan Josu Perez; alebinetan Danel Moreno; eta benjaminetan Urko Rios.
Guztira, 29 lagunek erakutsi zituzten beraien trebeziak; horietako asko, oso gazteak. Sei pistako ibilbidea prestatu zuten antolatzaileek, eta hiru orduz aritu ziren partehartzaileak.