Otsailaren 11n egingo da hil honetako Bigarren Eskuko Azoka, 11:30etatik 13:30etara Atsegindegin, eta berezia izango da, Inauterietako materiala trukatuko baita.
Postua jarri nahi duenak zabalik dauka izena emateko epea, ostegunera arte, Berrerabilpen zentroan (Nafar Kalea, 19) edo 682 741 366 eta 943 506 341 telefonoetan. Baina postua jarri nahi ez duenak ere, izango du aukera Inauterietako mozorro eta materiala trukatu eta berrerabiltzeko. Izan ere, gordailu-salmenta zerbitzua jarriko da; 09:00etatik 10:30etara postu bat irekiko da, saldu nahi dena bertan uzteko. NANa erakutsi eta zein preziotan saldu nahi den besterik ez da esan behar; beti ere, 100 eurotan baino gutxiagotan.