Aurreneko bost hilabeteetarako helburuak zehaztu ditu Kanika Aisialdi Taldeak, eta gaur jarri dute aurreneko zita, 6 eta 18 urte bitarteko haur eta gazteekin biltzeko, 16:30etan, Biteriko plazan. Eguraldi txarra eginez gero, Atsegindegira mugituko direla jakinarazi dute.
«Aisialdi aukera berria»
Herriko hainbat gaztek osatzen dute Kanika Aisialdi Taldeko begirale taldea. «Helburua da, herriko haur eta gazteekin batera aisialdi aukera berria sortzea, eta balio eta harreman askeak sustatzea».
Horregatik, haurren parte-hartzea bultzatu nahi dute, «feminismoa, ekologia eta euskera oinarri».
Hilean, bi larunbat
Gaurkoa izango da aurreneko zita, baina ekainera arteko egutegia ere osatu dute. Hurrengo zita, adibidez, hilaren 18an izango da.
Aurrena, elkar ezagutu eta taldea finkatzea izango dute helburu, eta ondoren, harremanak sendotzeko ekintzak egitea. Horrela, egun pare bateko irteerak egitea ere proposatu dute.
Izena eman
Parte hartzeko eskatu dutena da, izena ematea: bit.ly/KanikaIzenEmatea