Nagore Legarretaren ‘Hysteron’ argazkiak, Biterin

Grekeraz umetokia esan nahi omen du Hysteron hi­tzak. Hala azaldu dio lehenago Nagore Legarreta argazkila­riak Kroni­kari; «oso egokia iruditu zitzaidan izen hori, jasotzeko proiektu honen atze­an dauden ideiak, ema­ku­meen harre­ma­nei buruzkoak».
Izen hori daraman lana­rekin, hain zuzen, erakusketa jarri du Biterin. Gaur egingo da inaugurazio festa, arra­tsaldeko 19:00etan.

Kamera estenopeikoak; «teknika primitiboa»
Gaurtik aurrera Biterin ikusi ahal izango den Hysteron era­kusketako argazkiek badau­kate beste berezitasun bat; kamera estenopeikoekin egi­nak direla, alegia.
Legarretak berak egindako kamerak erabili ditu argaz­kiak egiteko, kamera este­no­pei­ko­ak. Itxi daitekeen edo­zein on­tzik balio du; zuloa egin, ilun­pe­tan egonda ma­te­rial foto­sen­siblea potearen barru­an sar­tu, eta argitara joan, ar­gaz­ki­ak egiteko. «Teknika pri­mitiboa» dela dio Lega­rre­tak; «argazkilaritzaren hasiera».

Bukatzeko, emanaldia
Otsailaren 16ra arte Biterin ikusi ahal izango da Lega­rre­taren argazki erakusketa.
Egun horretan, Biteriko kul­tur programazioaren ba­rruan sortu den Nahastekak atalean, erakusketari lotutako ema­nal­di berezia izango da, bukatzeko. Danele Sa­rriugartek eta Gorka Se­tie­nek testuak errezitatuko di­tuz­te; Txaro Unzillak dantza egin; eta Mariano Hurtadok, Ai­da Torresek eta Beñat Itu­rri­o­zek, musika jarri.