Maitane Guerrero hernaniarrak sasoi ederrean jarraitzen du, eta garaipen berri bat lortu du, asteburuan; Idiazabalgo XXXVII. Krosa irabazi zuen, 10 km pasatxo egiten emakumetan azkarrena izanda. Bestalde, Donostiako LXII. Krosa izan zen igandean hipodromoan, eta atleta hernaniarrak bikain aritu ziren. Gorka Lopez de Arregi infantilak aurreneko egin zuen, eta Amaiur Velez alebinak hirugarren.