Galdera, zehaztuta: «Nahi al duzu Euskal Herria errepublika burujabea eta independentea izatea?»

Martxoaren 19an egingo da Astigarragako eta Hernaniko Herri Galdeketa, eta dagoe­ne­ko hasi dira hainbat gai zehazten. Larunbatean era­ba­ki zuten, hain zuzen, oinarrizkoena, zein izango den galdera. Gaia landu du­en lantaldeak aurkeztu zuen proposamena, eta Her­na­ni­ko Biteri kultur etxean egin­dako batzar irekian berretsi zuten. «Nahi al duzu Euskal Herria errepublika burujabea eta independentea izatea?»; hori da, beraz, herritarrek erantzun be­har­ko dutena.
Zazpi irizpideri jarraitu­ta sortu da galdera: argitasuna, zehaz­tasuna, ulergarria iza­tea, lurraldetasuna argi adie­­raztea, erakarga­rritasu­na, osagai sozial bat sartzea eta zabaltasuna. 

«Demokraziaren festa»
Galdera zehaztearekin bate­ra, BagaGiltza herri platafor­ma hasi da martxoaren 19ko «demokraziaren festa» anto­la­tzen; bertan, astigartar eta hernaniarrek eraba­kitzeko aukera izateaz gain, hainbat kultur eta kirol ekitaldi ere izango direla iragarri du herri plataformak.