DBHren aldeko batzordea deitzeko eskaera egin dio EH Bilduk Udalari

AStigarragako EH Bildu Udal taldeak, DBHren aldeko batzordea deitzeko eskaera egin dio Udalari,  «azken bi ur­te­tan ez baita aurrerapenik egin EAJrentzat estrategikoa izan arren», Andoni Gartzia zinegotziaren esanetan.  
Duela sei hilabete eta erdi plenoak aho batez batzordea  eratzea erabaki zuen Guraso Elkarteak hala eskatuta. An­do­ni Gartziaren ustez pau­soak eman behar dira denen artean bere horretan gelditu­ta baitago proiektua.
«Aurre­ko legealdian, Plan Oroko­rraren aldaketa pun­tu­a­la­re­kin, etorkizuneko DBH­ren ko­kapen bideragarria ze­haz­tu zen. Behin hori eginda, lurrak eskuratu, hiritartu eta Asti­garra­ga­ko DBHren beha­rrez­­ko­­tasunaz Hezkuntza Saila konbentzitzea dagokigu guzti­oi».
EH     Bilduko zinegotzien esanetan EAJren aldetik pa­txa­da nabaria da. «2015eko azaroaren 26an EH Bilduk Astigarragako ahol­kulari juri­dikoari lurrak es­ku­ratzeko prozedura zehaztu zezan eska­tu zion. Lau hila­bete ondoren, Udalak batzor­dean aurkeztu zuen txos­tena eta lurren balo­razioa egiteko txosten berri bat eskatzea erabaki zen. Gaur da eguna, hamar hilabete ondoren, balorazio txostena oraindik ere Udalera iritsi ez dena».
Geroago, 2016ko uztailaren 16an Guraso Elkarteak aur­kez­tutako mozioa onartu zen aho batez Udaleko plenoan. Mozioaren asmoa Udale-ko talde politiko guztien kon­promiso zintzoa lortzea zen. Besteak beste, mozioaren onar­penarekin, DBHren alde­ko Batzorde Informatzailea eratzea erabaki zelarik.  Sei hilabete eta erdi ondoren, batzor­dearen deialdi berririk ez da egin.  
EH Bilduk batzordean bere ordezkariak zein izango diren zehaztu ditu (Iker Goñi eta Andoni Gartzia zinegotziak). Bi zinegotziek azaldu dutenez «Batzordea deitzeko eskatze­arekin batera,  batzorde deial­di guztiak Guraso Elkarteari eta­ Astigarragako Herri Esko­lako Zuzendaritza Taldeari ere egitea eskatu dugu. DBH lortzeko bidean, eragile sozial eta herritarren bultzada ezin­bestekoa izango delako, hau­ek une oro lehenengo pro­tago­nistak izan behar dute».

Eusko Jaurlaitzaren Hezkuntza Sailari DBH Institutua kokatuko litzatekeen eremua hiritartua emateko muga 2019 urtea da

«Konpromisoa bete»
Bestalde, uztaileko mozio­an ere 2019 urtea epe bezala ipini zen Eusko Jaurlaritzaren Hezkuntza Sailari DBH Insti­tu­tua kokatuko litzatekeen partzela hiritartua emateko. «Berandu goaz eta ez badugu aurrera eramaten, Udaleko talde guztien errespontsa­bilitatea izango litzateke eta herriari huts egingo genioke» dio Andoni Gartziak.
Denbora aurrera doa eta EH Bilduk kezkati dago kon­promisoa betetzeko Udalaren gaitasunarekin. «Egunak pa­sa­tzen dijoazela ikusita eta aurre­rapausorik ez dagoela konturatuta, EAJren konpro­misoa zalantzan jartzen  dugu. Horre­gatik, berehala lanean haste­ko deia egiten diogu eta DBH berandu baino lehen errea­litate izan dadin, EH Bilduren babes eta laguntza osoa esku­ra duela berriz ere jakin­arazi».