Hernanik Santboianaren aurka ez zuen inongo aukerarik izan eta 57-10 galdu zuen 15garren jardunaldiko partidua. Honela, Polidorik zuzentzen duen taldea, puntu bakar bat ere lortu gabe bueltatu zen Baldiriko zelaitik.
Hasi baino lehen hernaniarrek bazekiten norgehiagoka zaila zutela, txapelketako aurkaririk indartsuenetako baten aurka, eta pronostikoak gohitik behera bete ziren.
Hernaniarrak saiatu ziren, baina ordu laurdena baino ez zuen iraun parekotasunak. Lehen 15 minutuetan ongi jardun ziren kanpoko jokalariak. Lehenengo entsegua orduan iritsi zen eta ordutik amaiera bitartean talde bakarra egon zen zelaian, katalu-niarrena.
Hala ere, bai lehen zatia amaitzear zegoenean eta bai partidua amaizeko bost minutu falta zirenean, Hernaniren bi entsegu iritsi ziren, Bidegaray eta Genuaren eskuetatik. Honela 10 puntu lortu zituzten, gutxienez, markagailuan.
Albiste onak Landareko taldearentzat beste zelaietatik iritsi ziren. Bere aurkari zuzenak diren; Getxo, Ciencias eta Bartzelonak beraien partiduak galdu zituzten eta hori gutxi balitz, inortxoerek ez zuen puntu bakarra lortu. Beraz, sailkapen nagusian gauzak ziren bezala geratzen dira.
Hernani 10garren postuan dago sailkatua, Gernikaren partidua atzeratuta duelarik. Puntu bakarreko aldea du hamaikagarrenarekiko eta hiru, azken sailkatua den Getxorekiko, hauek ere partidu bat gutxiagorekin. Azken sailkatua zuzenean jeitsiko da mailaz.