Martxoaren 19rako BagaGiltzak antolatu duen galdeketanko galdera zein izango den gaur erabakiko da. Horretarako, BagaGiltza herri plataformak batzar berezia egingo du, goizeko 10:00etan hasita, Biteri Kultur Etxean. Bi gai landuko dituzte: galdeketaren antolaketarena, eta galderaren onarpenarena. Bukatzeko, argazki erraldoia aterako dute, 13:15etan.
Honera iristeko, prozesu partehartzailea luzea izan da honera iristeko, baina azkenean iritsi da galdera ezagutzeko eguna.
Herri plataformatik, Hernaniko eragile sozial guztiak gonbidatu nahi dituzte gaurko ekitaldian parte hartu dezaten, eta galdeketak ahalik eta babes haundiena eduki dezan.
Martxoaren 19an egingo du BagaGiltza herri plataformak «demokraziaren festa», herri galdeketa, alegia. Eta horretarako, sinadura-bilketa antolatu zuen azaroaren 12an hasi, eta urtarrilaren 12ra arte.
3.613 sinadura bildu dira
Guztira 3.613 sinadura bildu dira. Behin sinadurak bilduta, Notarioaren esku utzi dituztela iragarri zuten: «beren zuzentasuna egiaztatu dezan eta prozesuari dagokion legezkotasuna emateko akta jaso dezan». Ondoren, enpresa batek egingo du suntsiketa konfidentziala
Antolatzaileek, balorazio positiboa egin zuten, orain arte eginiko bidearekin «oinarri sendoa ematen diolako. Beharrezkoa zen gutxieneko sinadura kopurua erraz gainditu da; herri galdeketaren aldeko mezuari hedapen garrantzitsua eman zaio; eta mahaien ingurura hurbildu diren pertsonen aldetik begirunea eta heldutasun haundia sumatu da».