Euskal Herriko Txapelketa jokatzen ari dira hernaniar pelotariak, eta bihar izango dituzte frontoiean bertan, bigarren partiduak. Goizeko 11:00etatik aurrera, Hernaniko bi bikotek jarriko dute pelota dantzan.
Finalerdietara sailkatzeko aukera, Ojuel eta Aizpitartek
Euskal Herriko txapelketako partidurik galdu gabe iritsiko dira bihar Paul Ojuel eta Eneko Aizpitarte hernaniarrak etxera, eta beraiek izango dira, hain zuzen, lehiatzen aurrenak. Txukun Lakua taldeko Iribarren-Perez bikotearen aurka jokatuko dute, eta bolada onari heltzea izango dute jomuga. Izan ere, bide beretik jarraituz gero, finalerdietan sartzeko aukera haundiak izango dituzte, baita txapelketa irabazi eta Euskal Selekzioarekin batera, San Franciscora bidaiatzea ere.
Finalerdietarako sailkatzea dute helburu, bikote hernaniarrek.
Segidan, Apezetxea eta Lizeaga
Finalerdian jokatu nahi dute, baita ere, Oier Apezetxea eta Markel Lizeagak. Ojuel eta Aizpitarteren ondoren jokatuko dute senior mailako pelotariek, Intza taldeko Artetxe-Elola bikotea aurkari dutela.