Larunbatean jokatu zen Umore Ona elkartean, Euskal Herriko Mus Txapelketaren barruan, Goizuetako kanporaketa; Xumar eta Pollo izan ziren, txapeldunak.
Lehia bizia; giroa ere bai
Guztira 8 bikote aritu ziren lehian, eskualdeko finalera pasatzeko, baina Xumar Bakero eta Fernando Goia, Pollo, izan ziren txapeldunak. Gertu izan zituzten Fermin Narbarte, Tximista, eta Mertxe Uitzi, Kapelogorri; bigarren egin zuten.
Lehenago ere elkarrekin arituak dira Bakero eta Pollo, eta hori izan da giltza, seguru; Umore Onako txapelketa irabazi zuten behin, eta Xumar txapeldun izan da, Urte Zaharretako txapelketan ere.
Final haundia, buruan
Otsailaren 25ean, Iruñean jokatuko dute Nafarroako finala Narbartek eta Pollok, Euskal Herriko finalera pasatzeko asmoz. «Esperantza omen da, azkena galdu behar dena!», diote.