Otsaileko kultur agenda irekiko du bihar, Gari eta Maldanbera taldearen kontzertuak, Biterin, 20:00etan, eta sarrerak salgai daude 7 euroan.
Baina ez da otsaileko ekitaldi bakarra izango; larunbatean bertan, haur txikienentzako, 1 eta 3 urte artekoentzako, Kubik antzezlanaren bi saio izango dira Biterin; 11:00etan eta 12:15etan. Emanaldi hauetarako sarrerak ere Biterin daude salgai, 2,70 euroan.
Inauterien aurretik, Santa Ageda eta Kaldereroak
Bestalde, larunbatean bertan beste zita garrantzitsu batzuk izango dira, kasu honetan, urterokoak; Inauteriak iragartzen dituzten Kaldereroak aterako dira gaueko 21:00etan herrian barrena, batetik, eta bestetik, Santa Ageda bezpera izanda, hainbat erronda ibiliko dira oles eta oles herrian barrena, egunean zehar. Ohitura Zaharrak abesbatzak arratsaldeko 17:45etan jarri du zita, Milagrosan.
Eta Inauteriak badatozela berriro ere gogorarazteko, Inude eta Artzaien konpartsa ibiliko da kalean barrena hilaren 19an. Ondoren, Musika Bandak ere Inauterietako kontzertu berezia emango du.
Emanaldi gehiago, denentzat
Baina esan bezala, Inauteriek bakarrik ez; musikak eta antzerkiak, eta bestelako diziplinekin sortutako emanaldiek ere toki berezia izango dute otsailean zehar.
Umeentzako, Lau Haizetara, diziplina asko nahasten dituen emanaldia izango da asteazkenean, eta gonbidapenak eskatu daitezke dagoeneko. Era berean, hilaren 18an, Gu haur antzerkia izango da.
Helduagoentzat, berriz, Hysteron argazki erakusketaren inguruan sortutako emanaldi berezia izango da hilaren 16an, eta Euskal balezaleen triskantza dokumentala, hilaren 9an; biak, debalde.
Mintzodromoa, Zuhaitz Eguna eta erakusketak
Bestalde, ipuin kontaketak eta literatur solasaldiak ere ez dira faltako; erakusketak ere ez. Eta dagoeneko herritar ugari biltzen duten Mintzodromoa eta Zuhaitz Eguna ere errepikatuko dira, otsailean.
Otsaileko agenda
- 2 Hernani’n Musik: Gari eta Maldanbera, 20:00etan Biteri Kultur Etxean. Sarrerak salgai, 7 euroan.
- 4 Haur antzerkia, euskeraz, 1 eta 3 urte artekoentzako: Kubik, Teatro Paraiso. Biteri kultur etxean, 11:00etan eta 12:15etan. Sarrerak salgai 2,70 euroan.
- 4 Santa Ageda erronden irteera.
- 4 Kaldereroen konpartsaren irteera, 21:00etan, Elur Txoritik.
- 7 Zilegi Eskola: Otsaihen garagardoaren egileekin, garagardoa egiten ikasteko saioa, 18:00etatik 20:00etara AEKn. Izen-ematea: zilegieskola@aek.eus, 663 04 33 14 edo zilegieskola.blogspot.com.
- 8 Lau Haizetara: 3 eta 6 urte bitarteko umeentzako eta gurasoentzako emanaldia, ipuinak, poema bisualak eta jolasak nahastuta osatua, 17:30etan Udal Liburutegian. Gonbidapenak eskura, dagoeneko.
- 9 Euskal balezaleen triskantza dokumentala, 19:00etan Biterin.
- 11 Bigarren Eskuko Azoka, 10:30etatik 13:30etara, Urbietan edo Atsegindegin.
- 11 Kalez Kale Kantari, 12:00etan Plaza Berritik abiatuta.
- 11 Erromeria, 18:30etan Plaza Berrin edo Atsegindegin.
- 14 Literatur Solasaldia, Adiós, Hemmingway liburuari buruz, gaztelaniaz, 19:30etan liburutegian.
- 16 Hysteron, Nagore Legarretaren argazki lanaren inguruan sortutako emanaldia, Nahastekak atalaren barruan, 20:00etan Biterin. Argazkiak, dantza, errezitaldia eta musika. Doan.
- 17 Bestelako musikak eta gehiago, Goiz Eguzkin, 19:00etan.
- 18 Zuhaitz Eguna.
- 18 Haur antzerkia, euskeraz, bost urtetik gorakoentzat: Gu, Borobil teatroa. 12:00etan Biterin. Sarrera: 2,70 euro.
- 19 Iñude eta Artzaiak konpartsaren irteera, 11:45etan Urumea ikastolatik.
- 19 Inauterietako kontzertua, Hernani Musika Bandaren eskutik, 13:00etan arkupetan.
- 19-28 Inauteriak.
- 21 Literatur Solasaldia, Emakume biboteduna liburuari buruz, euskeraz, 19:30etan liburutegian.
- 23 Mintzodromoa, 10:00etan eta 19:00etan Biterin. Izenematea: 943 331 896/euskaltegi@hernani.eus.
- 28 Ipuin kontaketa, Maite Frankorekin, Biterin. 17:30etan 3-4 urtekoentzat, eta 18:00etan 5-7 urte bitartekoentzat.
ERAKUSKETAK
- 3-16 Hysteron, Nagore Legarretaren argazki erakusketa, Biterin, 18:00etatik 20:00etara.
- 17-martxoak 2 Anastasia Leundaren inguruko erakusketa, Haritz Calveteren eskutik, Biterin, 18:00etatik 20:00etara.