Betelu, Erreka eta Baztango pilotarien kontra aritzekoak ziren atzo, Umore Onako alebin eta benjamin mailetako gaztetxoak, eta Euskal Liga mailan, Aizkorbe eta Apezetxeak Portugalete zuten aurkari.
Aurreko partidu guztiak, irabazi
Pasa den asteari begira, jokatutako partidu guztiak irabazi zituzten Umore Onako pilotariek.
Iruñean, Aizkorbek eta Apezetxeak 22 eta 10 irabazi zuten Yaniz eta Santamariaren kontra.
Tolosan, Iker Salaberriak eta Aldabek ere irabazi egin zuten, 22 eta 7, Lerena eta Irazustabarrenaren kontra.
Oihan Etxeberria eta Beñat Apezetxea ere, 18 eta 3 gailendu ziren, Sunbillan, Añorgakoen kontra.
Azkenik, asteazkenean Malerrekako txapelketan, final laurdenak irabazi zituen Iker Salaberriak Elite mailan, Arratibelekin, 22 eta 9, Labaka eta Tabarren kontra.
Olaizolak, final laurdena
Aimar Olaizola da bihar zita garrantzitsua daukana; Untoriarekin batera, Binakako Txapelketako final laurdenetan hasiko da, 17:00etan Gasteizen.