Partidu oso garrantzitsuak dauzkate asteburu honetan, Mundarroko bi saskibaloi talde nagusiek. Izan ere, kontrario zuzenak izango dituzte aurrean biek.
Neskek, igoera faseko zortzigarren partidua jokatuko dute gaur, arratsaldeko 18:00etan. Eta erronka polita daukate: Antigua Luberri liderraren kantxan jokatuko dute, Benta Berrin, talde astigartarraren momenturik gozoenean. Izan ere, azkeneko bost partiduak irabazi ditu Mundarrok.
Bolada on horri esker, hirugarren daude sailkapenean, Final Foura jokatzeko aukera ematen duten postuen barruan. Antigua Luberri, ordea, koska bat gorago dago, jokatutako zazpi partiduak irabazi baititu, orain arte. Zergatik ez gaur, aurreneko porrota?
Usabalen, mutilak
Kontrario zuzena dute mutilek ere: Tolosako Take Orbela izango dute aurrean; astigartarrek bezala, bost garaipenekin dagoena.
Usabal kiroldegian ariko dira gaur, 16:00etan.