Urrizak irabazi du berriz ere Urrezko Erremontea

Javier Urriza izan zen protagonista nagusia lau­garren urtez Urrezko Erremonte Ga­lan. Iruñako erre­montistak bes­te behin eraman zuen Urrez­ko Erre­montearen Saria, eta jada lau ditu etxean. 2013, 2014, 2016 eta 2017an erre­montista one­na izendatu du Oria­mendi2010 enpresak. Kon­tu­tan hartzen ba­dugu 2015e­an pelotarien koa­dro osoari eman zitzaiola sa­ria, esan daiteke bost aldiz ere lortu duela Urrezko Erre­montea.
2016. urtean, Urrizak Bana­kako Kutxabank 2016 Txapel­keta Nagusia irabazi zuen irailean; Masterseko txapel­dun ere izan da; Binakako Orona Txa­pel­keta Nagusian final­erdiaetara iritsi zen, Zubiri goizuetarrarekin bate­ra; eta gainera, San Fermin Torneoa, San Isidro Torneoa eta Frontoi Motzeko Txapel­ketak ere irabazi ditu. Urte oparoa izan da beretzat.

Uterga eta Azpiroz ere, saridun
Urriza ez zen protagonista ba­karra izan 2017ko Urrezko Erremonte Galan. Beste bi na­fa­rrek ere beraien sariak jaso zituzten. Alde batetik Xanti Uter­­ga doneztebearrak A tal­deko rankingeko erremon­tista erregularrenaren garai­kurra irabazi zuen
Utergak 2016an, 65 partidu jokatu ditu eta 33,86 puntuko media lortu du. Gutxienez, zazpi hila­betetan puntuatu behar da saria irabazi ahal izateko.
Pelotari nafarrek sari guz­tiak eraman zituzten Urrez­ko Erremonte Galan. B taldeko rankinga ere Huitziko atzelari nafarrra den Xabier Azpirozek  eskuratu zuen. 47 partidu jokatu zituen 2016. urtean eta 35,72ko puntua­ketarekin, erre­mon­tistarik erre­gularrena izen­­datu zuten bere taldean.

Ezkurra II-Ion, garaile
Sari banaketa baino lehen Urrezko Erremonte Galako Torneo Azkarra jokatu zen. 25 tantura jokatu ziren bi finalerdiak eta finala. Ezkurra II eta Ionek lortu zuten tor­neoko garaipena, finalean Urriza-Azpiroz bikotea 25-23 garaitu eta gero. 
Gainera, ezustekoz beteta­ko txapel­keta izan zen, izan ere, Ezku­rra II eta Ion ka­leratuak izan ziren bigarren finaler­dia gal­du ostean. Zebe­rio II eta Endikak jokatu behar zuten finala, baina Zeberio IIaren azken momentuko lesioak, Ezkurra II eta Ion eraman zituen finalera. 
Urrezko Erremonte Gala hirugarren denbora batekin amaitu zen. Bertaratutakoek ar­gazkiak ateratzeko aukera izan zuten saritutako pelo­tariekin eta luntx bat ere dastatu zuten. 

SARITUAK
- Urrezko Erremontea 2017: Javier Urriza (2013, 2014, 2016 eta 2017)
- Erregulartasun Saria A taldea: Xanti Uterga 33,86 punturekin.
- Erregulartasun Saria B taldea: Xabier Azpiroz 35,72 punturekin.
- Erremonte Gala Torneo Azkarra: Ezkurra II-Ion.