Urrezko Erremonte Gala 2016 gaur ospatuko da Galarretan, seigarren urtez jarraian. Ostegunetako jaialdia amaitu eta gero, 19:30etan, hasiko dira urteko erremontista onenen sariak banatzen. Pasa den urtean emaitza hoberenak lortu zituen kirolariak Urrezko Erremonte Saria lortuko du, eta beste bi sariak A Taldeko eta B Taldeko irabazleak eramango dituzte.
Gogoratu behar da Javier Urriza izan zela Banakako Kutxabank Torneoko garailea, eta bera da, hain zuzen, faborito nagusia Urrezko Erremontea irabazteko.
Zeberio II-Endika, Ezkurra II-Ion, Urriza-Azpiroz eta Uterga-Etxeberria III ariko dira torneo azkarrean.
Jaialdia 16:00etan hasiko da eta lau partiduk osatuko dute. Bigarrena, hirugarrena eta laugarrena Urrezko Gala torneo azkarreko partiduak izango dira. 25era jokatzen dira eta bigarren eta hirugarren partiduetako garaileek finala jokatuko dute, jaialdia itxiko duen partiduan.
Lehen finalerdian Zeberio II eta Endika, Ezkurra II eta Ionen kontra ariko dira eta bigarren finalerdian Urriza eta Azpiroz, Uterga eta Etxeberria IIIren kontra. Azpiroz gazteak B taldeko irabazle izan da eta sari bezala torneo azkarra jokatzeko aukera izango du.