TELMO Iruretaren bakarrizketak azaroan izandako arrakastaren ostean, Bikarrizketa antolatu du Koxka elkarteak biharko, 19:00etan hasita, Biteri Kultur Etxean. Telmo Irureta bera izango da Hernanin, kasu honetan Haritz Morrasekin batera. Sarrera doan izango da, baina aurrez, gonbidapenak eskuratzeko aukera izango da oraindik, bihar arte, Kronikan bertan.
Gaizka eta Xanti pixukideen arteko harremana kontatzen dute Irureta eta Morrasek Bikarrizketan. Etxea garbitu nahi dute, batez ere batek, eta horren inguruan hasten da emanaldia; azkenean ez dute garbitzen, izan ere, Iruretak berak onartu duenez: «bik ez dute garbitzen, batek ez badu nahi». Tartean, era askotako gaiak azaleratzen dituzte, «gai normalak puntu komiko batekin», azaldu dute biek.