Irabazita, ‘Final Four’ postuetan neskak

Sasoiko dago Mundarro, Gi­puz­koako Lehenen­go Mailan, emakumezkoetan. Eta horixe erakutsi zuen joan den igan­dean, kontrario zuzen bati irabazita; Arri BKLri. Launa ga­raipenekin zeuden, eta au­rrea hartu diete astigartarrek, 60-45 nagusituta, La Sallen.
Garaipen horrekin, sailka­peneko postu ederrenetan sartu da Mundarro: hiru­ga­rren dago. Eta postu horrek, aukera ematen du txapeldun izateko azken fasea jokatzeko, Final Foura. Bertan arituko dira, A-1 multzo honetako aurre­ne­ko hirurak, eta A-2 mul­tzo­ko irabazlea (bigarren maila mo­duko bat, aurreko fa­se­ko azkeneko 9 taldeekin).
Oraindik asko falta da ho­rretarako, noski: 18 partidutik 7 besterik ez dituzte jokatu. Baina amesteko motiborik ere badaukate astigartarrek. Izan ere, aurreneko bi partiduak galdu zituzten, eta azkeneko bostak irabazi.

Mutilek ere, irabazi
Garaipen garrantzitsua lortu zuten mutilek ere, Gipuzkoa­ko Lehenengo Mailan. Alde Za­ha­­rrari irabazi zioten bere kan­txan (55-70), eta azkeneko bi postuak atzerago utzi di­tuz­te. Orain, jaitsierako azken fasea jokatzea saihesteko borrokatu beharko dute (9garren postutik 12garrenera). 11garren daude astigartarrak, 5 garaipenekin. Baina 6 garaipen dauzka, 6ga­rren sailkatuak ere.