Igerilekuak hobetzeko asmoz inkesta bat egingo du Udalak

HERNANIKO Udalak datorren udan irekiko ditu kiroldegiko igerileku berriak. Udal kirol instalaziorik erabiliena da igerilekua eta horren erabilera herritarren beharretara egokitzeko ahalegin berezia egiten ari da Udala. Horretarako, galdetegi bat prestatu du Jarduera Fisikoa eta Kirol Sailak.
Inkestaren helburua da erabiltzaileen eta, oro har, herritarren iritzia jakitea eta igerilekuarekin lotutako beharrak eta ideiak biltzea. In­for­mazioa igerileku berriko es­kaintza osatzeko erabil nahi da. Inkesta eskuragarri dago Ki­roldegiko sarreran, udal webgunean eta udaleko sare sozialen bidez zabaldu da.